കൊല്ലാനടുക്കുന്ന കോപഭാവങ്ങളെ
കൊന്നൊടുക്കീടുന്നു ശാന്തഭാവം
നിത്യം നടക്കുന്ന നരഹത്യയൊക്കവെ
ഒക്കുമീ മര്‍ത്യനു മിഥ്യയാക്കാന്
അമ്മിഞ്ഞനല്‍കിയോരമ്മയ്ക്കു മുമ്പിലും
ഉണ്മയിലുറയുന്ന ദൈവത്തിന്‍ മുന്നിലും
വിദ്യയ്ക്കു കാക്കുന്ന മക്കള്‍ക്കുമുന്നിലും
മര്‍ത്യന്‍ നടുക്കുന്ന ഹത്യകള്‍ ചെയ്യുന്നു...
വ്യക്തിക്കു യുക്തമാം സത്യങ്ങളൊക്കവെ
ശക്തരാം സാരഥികള്‍ മറക്കുന്നു നിത്യവും
വ്യക്തിഹത്യക്കുതകും ഈ വിദ്യ എങ്കിലും
ശക്തനാം ദൈവത്തെ മറക്കല്ലേ മര്‍ത്യ നീ
വിയര്‍പ്പിന്ടെ അന്നം ഭുജിക്കുന്ന മര്‍ത്യനൊ
വിയര്‍ക്കാതെയുണ്ണുന്നവന്‍വാക്കു കേള്‍ക്കുന്നു
വികാരം വിയര്‍പ്പിനെ തച്ചുടച്ചിടുമ്പോള്‍
മര്‍ത്യന്ടെ നിലവിളികള്‍ കേള്‍ക്കുന്നു നിത്യവും
കൊല്ലാനടുക്കുന്ന കോപഭാവങ്ങളെ
കൊന്നൊടുക്കീടുന്നു ശാന്തഭാവം
നിത്യം നടക്കുന്ന നരഹത്യയൊക്കവെ
ഒക്കുമീ മര്‍ത്യനു മിഥ്യയാക്കാന്
-
